29 abr 2011

Proxecto: Superletrón, un superhéroe en acción


Este é outro proxecto colaborativo aloxado na Rede. Este parte da iniciativa da profesora Silvia González Goñi do IES Sierra le Leyre (Sangüesa)

Neste caso trátase da escritura colaborativa dun libro de historias na que a personaxe principal é Superletrón. Poden participar nenos e nenas das etapas de Infantil, Primaria e Secundaria de centros educativos españois. Só fai falla que o/a mestre/a inscriba ao seu grupo de alumnos e cando lles toque o capítulo no que se inscribiron toca redactar a continuación do conto.


Pinchando sobre a imaxe accedemos ao libro  para a súa lectura.

E para participar e saber máis sobre o proxecto podemos ir á seguinte páxina:

http://defarfanias.blogspot.com/2011/04/proyecto-de-escritura-colaborativa.html

Proxecto: Construyendo Historias


Este proxecto parte da iniciativa de Gregorio Toribio, mestre de Educación Primaria no  CEIP ANTONIO RELAÑO- ABRUCENA-ALMERÍA (ESPAÑA).

Temos unha inicio de historia e uns pesonaxes que son Jorge e Natalia e 6 escenarios dos que parten as súas aventuras e logo os nenos e nenas de distintos centros escolares de España e Latino América son os encargados de ir engadindo bloques de aventuras para construir un edificio de contos de 1001 aventuras destes personaxes.

A iniciativa foi tan ben acollida, que a día de hoxe hai 119 mestres  e 931 alumnos inscritos para levar a cabo este traballo colaborativo. 

Para os nenos e nenas é unha experiencia extraordinaria. Aprenden a redactar sen darse e conta e son capaces de comprender as diferentes historias para logo seguir o fío das aventuras de xeito coherente. E para os mestres tamén é unha experiencia moi bonita xa que
chegan a coñecer o potencial creativo e imaxinativo dos nenos e nenas.

Desde aquí quero recomendar este tipo de proxectos como unha ferramenta máis para a animación á lectura e tamén, cómo non, á escritura.